মুক্তি বিচাৰি

(মোৰ প্ৰিয়বন্ধু দীপাংকৰ চেতিয়ালৈ জন্মদিনৰ উপহাৰ)

একান্তই ব্যক্তিগত নৈ এখনৰ দৰে

বৈ গৈ আছিল সময়বোৰ;

মই থমকি ৰৈ গৈছিলো কোনোবাখিনিত |

নষ্টালজিযাত ভূগি মই থমকি ৰৈছিলো

কিহৰ বাবে, কাৰ বাবে নেজানো |

বিষাদৰ শিপাবোৰে চেপি অনা

মোৰ হৃদয়খনে মুক্তি বিচাৰে |

নষ্টালজিক হৃদয়খন আজি মোৰ লগত নাই |

ঘূৰি চালো অতীতলৈ; নাই !

মই এৰি অহা নাই মোৰ হদয় |

সময়বোৰ গৈ আছে |

নৈখন বৈ আছে |

মুক্তি বিচাৰি হৃদয়খনে চিঞৰি উঠে;

বিষাদৰ স্মৃতিবোৰৰ পৰা মুক্তি দিয়া |


ৰচনাকাল-১২ আগষ্ট ২০১১ (২২ বছৰ)