মাঘৰ কুঁৱলী আৰু সপোন

কুঁৱলীৰ ওৰণি ঠেলি

ওলাই আহিল ৰ’দালি |

খিৰিকী খুলি দিলো

দেখিলো সৰিয়হডৰাৰ

বিস্ফোৰিত হালধীয়া |

আঁঘোণৰ সোণালী চৰাই

কেনিবা উৰি গ’ল !

সৰিয়হডৰাৰ ওপৰত

এজাক মৌ-মাখিৰ

মিঠা গুণগুণনি |


ৰচনাকাল-২০ জানুৱাৰী ২০১০ (২১ বছৰ)

শীত আৰু মৃত্যু, ক্ৰমশঃ

ক্ৰমশঃ নামিছে শীত,
কপি উঠিছে দুহাত,
দুভৰি আৰু সৰ্বশৰীৰ |
আৰু কলিজাটোত !
চেচাঁ বতাহজাকে তাতো
কপনি তুলিছে |
স্তব্ধ কৰি আনিছে
কলিজাৰ ধপধপনি |
এটা জীৰ্ণ শৰীৰ |
জঠৰ হৈ আহিছে
বৰফ চেচাঁ শৰীৰ |
হত্যাৰ কি এক ষড়যন্ত্ৰ !
কলিজাৰ তেজবোৰ যেন
গোটমাৰি বৰফ হ’ল |
অসহ্যকৰ বিষ কলিজাত |
ক্ৰমশঃ শেষ হৈ অহা এটি
নিশ্বাস--------|


ৰচনাকাল-৩১ অক্টোবৰ ২০০৯ (২০ বছৰ)